- من أي بلد أو دولة السائل .
مصر

- العمر .
21 سنه

- المهنة والدرجة العلمية .
مازلت ادرس

- كيف تعرفت على موقعنا وما هي الكلمة التي إستخدمتها في محرك البحث جوجل التي أوصلتك إلى عنوان موقعنا .
من هذا الموقع https://dir.sptechs.com/health/dental/
جربت .net لم يعمل ثم وجدت هذا الدوماين .com ودخلت وها انا ذا.

- مدخن أو غير مدخن .
غير مدخن والحمد لله

- هل تعاني من أي أمراض .
لأ

----------

انا مشكلتى بدءت من حوالى 3 سنين ومش عارف اقولكم انا روحت لكام دكتور اسنان وكام عياده/مستشفى عشان الاقى حل

ومالقتش غير بطل شرب بيبسى وشاى و " إستخدم معجون الاسنان " وطبعآ signal بس انا اهوه داخل فى اكتر من سنتيت باستخدمه ومافيش فايده

مشكلتى هى إن اسنانى فيها بعض الخطوط السوداء فى السِنه من بره يعنى لو انا باكلم واحد هو يشوف اسنانى دى ويقولى انت اسنانك مسوسه اوى

وكمان بعد الاكل او بعد اما اصحى من النوم الاقى على اسنانى سائل كده مش عارف اوصفه ازاى بس هو بالظبط بيبقى مخلى اسنانى كإنى باشرب سجاير مع إن انا الحمد لله عمرى مادوقتها

وكمان فى اخر الِسنه او الضرس من تحت خالص من عند اللثه فى حاجه زى خط كده لونه لون الاسمنت بالعربى كده كإنك عامل الباب بتاع بيتك تحته عُتبه بالاسمنت عشان مافيش مايه تدخلت من بره بس فى اسنانى بقى مش بس " عتبه " لا ده كمان فى فرق بين اللثه نفيها والسن فرق بسيط مش كبير اوى هو صغير لدرجه إن ظافر واحد من اظافرى يدخل بينه وبين اللثه غير كده لأ

ولو دخلت ظافرى فيه وحركته او شديته تانى هاحس بإى فى حاجه زى طبقه كده بتتحرك معايا يعنى بتتدخل وبتخرج معايا

ده غير إن المشكله دى مش فى الاسنان الاماميه بس لأ دى م كل يوم بتتوغل اكتر فى الضروس والانياب وكل حته

يارب اكون وصلت مشكلتى ليكم بوضوح ويارب الاقى حل عشان انا بقيت مكسوف افتح فمى
ويارب الاقى حل غير " استخدم معجون الاسنان " لإنه مش بييجب نتيجه مش عارف ليه

شكرآ