• مركز أسنان الدولي

        مختصون بزراعة الأسنان وتركيبات الاسنان الزيركون


  • التسجيل التعليمـــات التقويم


    داهية...أكتر من ابليس...

    للمواضيع العامة غير الطبية


    إضافة رد
    غير مقروء 01-08-2009
      #1
    منار
    Moderator
    تاريخ التسجيل: Nov 2008
    المشاركات: 744
    Talking داهية...أكتر من ابليس...

    مركز أسنان الدولي

     

    https://www.assnan.com



    كان يا ماكان لحتى كان
    كان فيه أمراة عجوز قاعدة لحالها

    وفجأة طلعلها ابليس ……… العجوز خافت وسمت بالرحمن

    …قالها ابليس :أنتي يا عجوز هل تعتبرين نفسك داهيه؟؟؟؟

    العجوز: نعم أنا داهيه ……….. والنساء عموما كيدهن عظيم

    أبليس: أنا أتحداك……..ومنشوف مين كيده أعظم …..المرأة ولا أبليس

    العجوز :خلاص أنا بساوي مشكله وأنت رح تحلها واذا ما قدرت أنا رح حلها

    ورح فوز بالرهان.

    O.k.: إبليس

    راحت العجوز لواحد من يلي ما عندهم شغل وعاطلين عن العمل وما اكثرهم

    وقالت أنا بشغلك عندي فترة معينه بس……. اذا بدك مصاري لا تتدخل ولا

    تحكي وافق الشب لأنه مل من البطاله و بدو مصاري

    راحت العجوز ومعاها الشب لمحل قماش وقالت له أنتظرني عند باب المحل

    …دخلت المحل واخذت قماش غالي وراحت تفاصل تاجر القماش

    العجوز: رخص يا بن الحلال …

    التاجر :اذا أنتي ما معك مصاري خذي شيء أرخص

    العجوز : ما بقدر ….لازم أخده ولا بصير شي ما صار

    التاجر :ليش ؟ …..لهالدرجه …..شو القصة؟؟

    العجوز:شفت الشب اللي واقف عند باب المحل ...هذا ابني

    ...بحب وحده متزوجه وهي بتحبه ولما تتطلق من زوجها …ابني رح يتزوجها

    وهو قالي اذا عارضتي زواجي رح أطردك من البيت وأمرني أني أشتري قماش

    غالي مشان يهديها لحبيبته ولا رح يطردني من البيت مع أنو البيت بالأساس

    بيتي ولكني غلطت وكتبته بأسمه 'لعجوز تبكي '

    التاجر: خلص هونيها بتهون كسرتي خاطري ….خلص أنا رح أعطيك القماش

    ببلاش….وعسى الله يأجرني

    العجوز طلعت مبسوطه وقالت للشب روح عالبيت

    بعدها راحت العجوز لبيت زوجة تاجر القماش ودقت الباب وطلعت الزوجة

    العجوز:آه بابنيتي أنا تعبت بالطريق و ما بقدر كمل ممكن أقعد عندك أرتاح

    خمس دقايق ..

    رحبت الزوجة ودخلتها وأكرمتها وجابتلها شاي

    العجوز:شكرا ان شاءالله بردها الك (تعمدت تنسى القماش ) وطلعت.

    الزوجة:حرام نسيت قطعة القماش …أكيد رح ترجع بعد شوي وتاخذها

    و حطتها بالخزانة..

    تاجر القماش رجع لبيته وتغدى غدا وراح نام

    قام العصر وفتح الخزانة مشان يغير أواعيه ……مفاجأة قطعة القماش

    وعرف أن المرأة اللي بدو اياها ابن العجوز هي زوجته يعني عم تخونه

    قام لعندها وضربها وطردها بالشارع بالأواعي اللي عليها.

    العجوز كانت تنتظر هاللحظه في أخر الشارع فراحت لعندها بسرعه

    العجوز: شبك يا بنتي ليش عم تبكي؟؟؟

    الزوجه : زوجي طردني …وما عطاني فرصه احكي

    العجوز: خلص أنابوديكي على بيتي وأنا بروح بحل المشكله

    راحت العجوز لبيتها ودخلت الزوجه في غرفة بينما الشاب كان في

    غرفه ثانيه وأمرته أنو ما يطلع منها

    راحت العجوز لعند الشرطه عم تبكي وتقول :كنت قاعدة في بيتي وفجأة دخل

    رجل ومعه مرأة وقعدوا ببيتي حاولت طالعون ما قدرت

    (أحتلوا بيتي يعني )

    ذهبت الشرطه وقبضت على الشاب والزوجه ….وحطوهم بالسجن.

    العجوز: ها ها شو رايك يا أبليس ؟ دورك هلأ حل المشكله

    أبليس : لا لا ما بقدر حلها القصة صعبت كتير

    العجوز: أنا رح حلها وكأن شيء لم يكن . ورح أربح الرهان

    راحت العجوز تزور الزوجه بالسجن وقالت لها :أنتي ساعدتيني مرة

    وأناهلأرح ساعدك …..يلا لبسي عبايتي وغطي حالك وطلعي من السجن كأنك أنا وأنا بأقعد مكانك.

    الزوجة:شكرا….بس أنتي ؟؟

    العجوز: مالك دخل مثل ما طالعتك بطالع حالي .

    تمت عملية الهروب بنجاح….

    الوالي أمر الحراس انو يجيبو المسجونين مشان يحكم عليهم

    حضرت العجوز والشاب وقال لهم الوالي :ليش قابضين عليكم شو مساويين؟؟

    ردت العجوز:نحنا ما ساوينا شيء كنا قاعدين ببيتنا أنا وابني ولا الشرطه

    طابه علينا واخذينا عالسجن .

    عصب الوالي وخانق الشرطه وما عطاهم فرصه يحكو ويقول:غلطانين

    وبدكم تحكو. عينكم قوية

    طلعت العجوز من عند الوالي فرحانه وعطت الشب مصاري وأنهت خدمته عندها.

    راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من

    من كثر التعب نسيت القماش عندها وأن زوجته بريئه

    وقالت خود قماشتك لأنو ابني سافر هو و زوجته الجديدة.

    رجع التاجر زوجته وتأسف منها و راضاها كمان.

    العجوز : شو رايك يا أبليس أنا حليت القصة وكسبت الرهان

    ابليس : لا اله الا الله محمد رسول الله

    لمعلومات أكثر وضوح أضغط على البنر وشاهد أفلام كثيرة في اليوتيوب لدكتور أنس عبد الرحمن حول الكثير من مواضيع طب الأسنان

     

    منار غير متواجد حالياً  
    رد مع اقتباس
    غير مقروء 01-08-2009
      #2
    asnanaka
    Administrator
    تاريخ التسجيل: Aug 2005
    المشاركات: 7,113
    إرسال رسالة عبر MSN إلى asnanaka إرسال رسالة عبر Skype إلى asnanaka
    افتراضي

    قصة حلوة ... إن كيدهم لعظيم
    asnanaka غير متواجد حالياً  
    رد مع اقتباس
    غير مقروء 07-24-2009
      #3
    مدينة الفراوله
    عضو
    تاريخ التسجيل: Jul 2009
    المشاركات: 19
    افتراضي

    القصه رووووووووووووووووووووووووووووو وووووووووووووعه ثانكيو
    مدينة الفراوله غير متواجد حالياً  
    رد مع اقتباس
    إضافة رد


    الذين يشاهدون محتوى الموضوع الآن : 1 ( الأعضاء 0 والزوار 1)
     
    أدوات الموضوع إبحث في الموضوع
    إبحث في الموضوع:

    البحث المتقدم

    تعليمات المشاركة
    لا تستطيع إضافة مواضيع جديدة
    لا تستطيع الرد على المواضيع
    لا تستطيع إرفاق ملفات
    لا تستطيع تعديل مشاركاتك

    BB code is متاحة
    كود [IMG] متاحة
    كود HTML متاحة



    الساعة الآن 10:01 PM.



    تعريف :

    تعريف في بضعة أسطر عن المنتدى يمكنك وضع الوصف الخاص بك هنا هذا الوصف مجرد وصف تجريبي فقط من القمة هوست لتبين شكل الوصف .


    جميع المواضيع و الردود المطروحة لا تعبر عن رأي المنتدى بل تعبر عن رأي كاتبها وقرار البيع والشراء مسؤليتك وحدك

    Powered by vBulletin® Version 3.8.4
    Copyright ©2000 - 2024, Jelsoft Enterprises Ltd